मौसमी सारांश:

• गत साता देशभर कुनै उल्लेखनीय मौसमी प्रणालीको प्रभाव नरहेको र देशका कुनै केन्द्रमा वर्षा मापन  भएको छैन। गत साता देशका धेरै केन्द्रहरुमा सरदर भन्दा बढी अधिकतम तापक्रम तथा धेरै केन्द्रहरुमा सरदर भन्दा कम न्यूनतम तापक्रम मापन भएको छ। विशेषगरी तराईका धेरै स्थानहरुमा बिहानको हुस्सु/कुहिरो अवस्थाका कारण न्यूनतम तापक्रम सरदरभन्दा कम मापन भएको छ।देशका धेरै हिमाली भू-भागमा ०.० डि.से. भन्दा कम साप्ताहिक औसत न्यूनतम तापक्रम मापन भएको छ।
• साताभर कुनै उल्लेखनिय मौसम प्रणालीको प्रभाव रहने छैन।
• उच्च पहाडी तथा हिमाली भू-भागः साताको मध्यमा कोशी प्रदेश र गण्डकी प्रदेशको एक-दुई स्थानमा हल्का वर्षा/ हिमपातको सम्भावना छ।
• पहाडी भू-भागः साताभर मौसम मुख्यतया सफा देखि आंशिक बदली रहने देखिन्छ।
• तराई भू-भागः साताभर मौसम मुख्यतया सफा देखि आंशिक बदली रहने देखिन्छ। बिहानको समयमा लाग्ने हल्का हुस्सु/कुहिरो मध्यान्न सम्म क्रमिक रुपमा सुधार हुने सम्भावना देखिन्छ।
• यो साता देशका धेरै स्थानहरूमा न्यूनतम र अधिकतम तापक्रममा उल्लेखनिय परिवर्तन नहुने सम्भावना छ।

हिउँद अवधि (१५ मंसिर-१६ फागुन, २०८२) को हावापानी आँकलन

• मंसिर १५ देखि फागुन १६ सम्मको तीन महिनाको हिउँद अवधिमा देशका अधिकांश भू-भागमा सरदर भन्दा कम वर्षा हुने सम्भावना छ। अधिकतम तापक्रम देशका अधिकांश भू-भागमा सरदर भन्दा बढी रहने संभावना छ। न्यूनतम तापक्रम देशभर सरदर भन्दा बढी रहने सम्भावना छ।

कृषि सारांश